KUCHING: Semua ejensi ti bekaul dipinta meri perati ngagai isu pengerai runding raban anak mit kelebih agi ba Sarawak.
Premier Sarawak Datuk Patinggi Tan Sri Abang Johari Tun Openg madahka Tinjau Nasional Pengerai enggau Morbiditi (NHMS) 2019 ngeripotka 424,000 anak mit napi penanggul pengerai runding ba Malaysia.
“Peranak menua pesisir (8.8 peratus), anak mit indu (8.4 peratus) ke alai sida tu beumur entara 10 nyentuk 15 taun sereta datai ari ruang bilik B40.
“Tinjau NHMS 2022 ngagai nembiak ti beumur 13 nyentuk 17 taun ngerikodka siku ari lapan iku nembiak nya ngembuan runding deka munuh diri, siku ari 10 iku agi ngembuan ulah nguji deka munuh diri enggau siku ari empat iku sida berasai tusah ati,” ku iya.
Abang Johari bejaku munyi nya rambau bejadi Gempuru Pengerai Runding Sarawak Ke-6 2023 ngena rambai jaku ‘Diversifying Mental Health Specialties in Borneo’ di sebuah hotel ditu pagi tadi.
Ku iya, gaya is uke nyadi ungkup timpuh sedekad (2012 nyentuk 2022) ngerikod kes nambah bisi runding deka munuh diri enggau nguji munuh diri dalam ati raban nembiak.
