ARTIKEL

BEJAKU… Azhar enggau bala bukai rambau aum pemberita pasal Tesau Pemutus Peresa SPM 2023 Renggat Nengeri ba Opis Pelajar Nengeri ditu, kemari.

Isu suntuk pengajar ba sekula sekondari deka diputar meruan ba taun tu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Isu suntuk pengajar ba sekula sekondari ba selampur Sarawak mujur diputar meruan ba taun tu.

Direktor Opis Pelajar Nengeri Sarawak, Datuk Azhar Ahmad madah, semina bisi 184 suntuk pengajar ba semua sekula sekondari ti bisi ba nengeri tu naka diatu.

“Penyampau tu chukup mimit lalu kitai melabaka pekara tu ulih mantu nambahka prestasyen nembiak dudi hari,” ku iya.

Azhar mansutka jaku nya rambau dirandau pemberita pengudah ngatur aum pemberita serimbai Tesau Pemutus Peresa Sijil Pelajaran Malaysia (SPM) 2023 Renggat Nengeri ba Opis Pelajar Nengeri Sarawak ditu, kemari.

Iya madah, tebal agi isu suntuk pengajar ti bisi naka diatu ba menua pesisir.

Nangkan nya, ku iya, genap taun bisi pengajar ti deka pinchin sekali ke pinchin tetap tauka pinchin pilih.

“Kitai nganti bekal pengajar ari Opis Menteri Pelajar Malaysia (KPM).

Nya alai, kitai meda pekara tu nyadi siti pengawa ti betampung,” ku iya.

Dulu agi ari nya, bisi 2,577 pengajar udah dianjung gawa ba Sarawak sepanjai taun 2023 nyentuk March taun tu.

Sapit Menteri KPM, Wong Kah Woh madah, bisi 1,247 pengajar dianjung ngajar ba sekula primari lalu 1,330 pengajar dianjung gawa ba sekula sekondari ti endang anak Sarawak empu.

BERITA LAIN

BERITA TERBARU