ARTIKEL

Jaga pengerai, kena sengkabung mua

Facebook
Twitter
LinkedIn
WhatsApp
Telegram

KOTA SAMARAHAN: Pengerekai COVID-19 ba menua ti majak nambah pengudah diripot ba bulan November nyin tadi balat ngirau ke mensia mayuh.

Sekeda komuniti diatu mega udah bekenaka sengkabung mua baru nyengkaum lebuh pansut bedagang tauka bejalai meli barang ngagai palan besai bebelika barang sereta makit.

BEGUNA… Nur Hazsheila Hassim ba bansal apam balik iya di Makit Bandar Riyal.

Tinjau Suara Sarawak ba sitak Bandar Riyal semak ditu tetemuka mayuh pengusung ba Farley Kota Samarahan enggau Makit Bandar Riyal belabuh bekenaka sengkabung mua.

Taja pia, agi bisi sekeda penguna ti enda ngena sengkabung mua.

BEJAGA… Saniah Jus ba bansal chuchur pisang iya di Makit Bandar Riyal.

Siku penguna ba Farley Kota Samarahan, Rohana Jon, 47, madahka iya endang seruran ngena sengkabung mua taja pen nya enda dipejal.

“Aku tu endang semampai ngena sengkabung mua, kelebih agi lebuh ba luar rumah tauka palan mensia mayuh, engka laban udah teleba.

“Kelimpah ari nya, engka enggau chara tu mega kitai ulih nyaga pengerai lalu nentuka diri seruran likun lebuh di luar kelebih agi lebuh kes nambah baka ke diatu,” ku iya lebuh dirandau Suara Sarawak.

Pia mega lebuh tinjau ba Makit Bandar Riyal, ukai semina penguna ti ngena sengkabung mua tang mega mayuh orang dagang dia.

Pedagang bansal apam balik, Nur Hazsheila Hassim, 37, madah ngena sengkabung mua endang beguna amat lalu seruran ngena nya lebuh bedagang.

“Ba aku, nadai ngira meseti tauka enda ngena sengkabung mua, nya beguna amat dikena nyaga pengelikun enggau pemeresi kelebih agi lebuh kami bedagang.

“Ketegal nya mega aku agi ngena sengkabung mua nyentuk diatu,” ku iya.

Saniah Jus, 57, ti bejual chuchur pisang madah, ari suba penguna ti datai ngena sengkabung mua tang bisi mega enda.

“Taja pia, lebuh kes COVID-19 diripotka nambah, aku ngarap semua orang terus nyaga pengerai enggau pengelikun diri empu, kelebih agi lebuh ba palan ti ditapat mensia mayuh,” ku iya.

Ba taun ti udah, ex-Menteri Pengerai, Khairy Jamaluddin madah, sengkabung mua tau enda dikena agi ba palan betutup pengudah Opis Menteri Pengerai (KKM) bejalaika pansik lebuh nya.

Ku iya, ngena sengkabung mua dalam begunan enggau palan betutup bepanggai ba peneka diri empu lalu pengempu kedai tau nentuka pengusung meseti ngena sengkabung mua enti deka tama kedai tauka enda ibuh.

LAIN-LAIN BERITA

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

Dua ruang bilik kurang penatai pemisi dibantu

MIRI: Komuniti Mit Ngintu Pengelantang, Pengerai enggau Komuniti Bulan Sabit Merah Malaysia (MRC) Pampang Miri udah ngabas dua buah ruang bilik ti kurang penatai pemisi

BERITA TERBARU

WBC 2024: 13 negara terawal sahkan penyertaan

KUCHING: Seramai 13 petinju dari negara berbeza telah mengesahkan penyertaan mereka untuk bersaing di Kejuaraan Tinju Dunia (WBC) 2024 yang dijadual berlangsung di Stadium Perpaduan,

Kuarters lama JKR terbakar

SIMANGGANG: Sebuah kuarters lama Jabatan Kerja Raya (JKR) yang tidak berpenghuni terbakar awal pagi tadi. Ketua Bomba dan Penyelamat Zon Tiga (Sri Aman) Muhammad Rais