KUCHING: Dewan Bandaraya Kuching Utara (DBKU) ngaga gerah bisi enam jalai alun deka ditutup beserimbai Pekit DBKU Criterium Race 2.0 kena 28 Mei (Hari Minggu) tu.

Pengawa nutup jalai nya dikena nyendia arung endur bala penyereta pekit nya ngayuhka basikal.

Entara jalai ti ditutup baka Jalai Tun Datuk Patinggi Haji Abdul Rahman Yakub, Jalai Astana ti nuju jalai penama ngagai Tasik Begunan Baitulmakmur (MASJA) sereta lampu trafik enggau Jalai Keliling Datuk Menteri Abg Hj Mohd Zen Hj Salleh.

Pia mega, jalai keliling mit nuju Masjid Jamek sereta jalai belakang Kampung Tunku Perambu Pengawa Berumah Rayat (RPR) Renggat Dua bela ditutup.

Ungkup penerang, semua jalai nya deka ditutup berengkah ari pukul 6 pagi nyentuk 2.30 lemai.

Nya alai, DBKU ngelalau mensia mayuh merambu pejalai sida sereta ngasika tanda trafik enggau atur DBKU sereta raban Polis Diraja Malaysia (PDRM) ti gawa maya nya.

Mensia mayuh ti deka nemu silik bekaul pekara nya diperansang betanya terus ngagai Unit Kaul Mensia Mayuh DBKU ba lumur 082-512200 tauka email ngagai prd@dbku.gov.my.