Jalai Besai Pan Borneo laun ari timpuh asal

KUCHING: Projek Jalai Besai Pan Borneo disadang tembu penuh dala suku keterubah taun 2023.

Menteri Kanan Kereja Raya, Datuk Seri Fadillah Yusof madahka projek nya diatu semina 51 peratus aja, laun ari perambu asal, ke patut udah manggai 62 peratus tembu.

Ku iya, projek laun ari perambu asal ketegal pandemik Covid-19 enggau pemutus Perintah Pakatan Harapan (PH) ngemaduka Bakih Bejalaika Projek (PDP).

“Nya kebuah kitai diatu nagit projek jalai besai nya ulih tembu penuh datau ba suku keterubah 2023 ila.

“Naka diatu, semina dua pakej aja udah tembu penuh; Teluk Melano enggau Simpang Nyabau-Bakun,” ku iya.

Fadillah mansutka jaku nya lebuh dirandau pemberita udah tembu program Gempuru Begulai Enggau Editor Media Sarawak ba sebengkah hotel tebilang ditu kemari.

Berindik ari nya ku iya, Perunding Pengatur Projek (PMC) dichiri di baruh pegai Opis Kereja Raya (JKR) Sarawak ke deka nyaup ngelancharka pejalai projek.