Jalai Pakan tembu November 2020

PAKAN: Perintah Sarawak naka ulih ngintu pengelantang rayat lalu nyata dipeda nengah pengawa nyeleti Jalai Pakan Sarikei disadang tembu November taun baru.

Adun Pakan Tan Sri William Mawan Ikom madah, projek nyeleti jalai nya nyengkaum ngeluruska sambung jalai udah digaga berengkah ari bulan May nyin tadi.

Ku iya, perintah bejalaika inisiatif nya laban gaya jalai ti balat betiku lalu tau ngeruga pengelikun sida ti betengahka jalai nya.

“Jalai ke bisi diatu udah digaga sebedau Malaysia ditumbuh lalu jalai lama nya nadai rizab.

“Nya kebuah kereja nangkir jalai besai agi nyengkaum pengawa nyeleti mar dipejalai ngelama tu,” terang iya.

Iya mansutka jaku nya lebuh dirandau Suara Sarawak ba Pakan tadi.

Suara Sarawak