JaPen kanowit nyadung penerang ke rumah panjai

KANOWIT: Opis Pemadah (JaPen) Kanowit udah ngatur pejalai meri penerang ngagai mensia mayuh tauka dikumbai Aktiviti ‘Info On Wheel’ (IOW) ba rumah panjai ke ditagang pemindah.

Pia mega, raban JaPen Kanowit udah ngelawa enam buah rumah panjai.

Tu nyengkaum Rumah Benjamin Angki Rantau Kemiding, Rumah Jelani Sungai Ranan, Rumah Henry Duit Nanga Sekuau, Rumah Kujat, Rumah Engkulau Bukong Kanowit enggau Rumah Muling Machan.

Nambahka nya, meri besai terima kasih ngagai raban Rela Pelilih Kanowit laban udah matau rumah panjai ti ditemu bisi kes Covid-19 di Kanowit.

Nya alai, mensia mayuh dilalau seruran nitihka Atur Pengawa Standard (SOP) ti udah ditetapka Opis Menteri Pengerai Malaysia (KKM).

Tu nyengkaum ngena sengkabung mua lebuh mindah ke bukai, suah agi masu jari ngena ai enggau sabun, ngena hand sanitizer sereta nyaga takah enggau orang bukai.

Kelimpah ari nya, peranak rumah panjai ti disekat pejalai dipinta meri kerejasama sereta besabar ngambi kitai ulih nagang enggau mukaska pengerekai Covid-19.

Rumah Muling Machan