Jelatung repuk ngeruga pengelikun

KANOWIT: Piak bekaul diansak ngerumban pengawa nyeleti jelatung ti udah repuk di Sekula Primari (SK) Nanga Dap ditu.

Kaban Parti Keadilan Rakyat (PKR) Kanowit Satu Anchom nengah penerang berita tadi madahka jelatung tu suah dikena bala nembiak sekula nya.

“Kitai manta kasih piak bekaul jampat agi nukar jelatung repuk laban tau ngeruga pengelikun bala nembiak ditu.

“Jelatung tu semina nganti deka runtuh lalu enda likun ditengah,” ku iya nerang silik.

Kenu ku Satu, jelatung nya mega ditengah bala pengajar ti pulai mansang ngagai sekula nya.

“Udah kelalu jai lalu geladak kayu enggau kasau sereta tiang mega mayuh udah repuk.

“Suah ninga bala apai indai sebana kelebih agi maya ai langkang laban geladak mayuh udah tingkil ditabanka peneras ai,” ku iya madah nyemetak.

Nya kebuah iya ngarapka penanggul tu ulih diperundingka piak bekaul dikena nyeliah sebarang penusah enda disadang nyadi.

Tambah mega ku iya, jelatung tu patut diintu tauka ditukar jampat ngena kayu ti teguh agi nentuka pengelikun enggau guna timpuh panjai.

ENDA LIKUN DITENGAH… Gaya pendiau jelatung SK Nanga Dap di Kanowit patut diseleti tauka ditukar enggau jampat.

Suara Sarawak