Jematan Gantung Semin Batang Undop laun digaga laban tinda kelalu tinggi

SRI AMAN: Perambu ngaga jematan gantung semin Batang Undop di Kampung Beleti udah ba renggat nyendiaka keretas kereja di Opis Kereja Raya Bagi Menua Sri Aman.
Adun Simanggang Datuk Francis Harden Hollis madahka jematan gantung nya laun digaga ketegal sekeda penanggul ke enda ulih diseliah.
“Jematan gantung tu bisi laun mimit digaga laban tinda ngaga jematan kelalu tinggi ke alai perambu nya dipansik dua kali lalu diatu ungkus ngaga jematan nya udah diubah nitihka agih belanja ti diberi.
“Kelimpah ari nya, kami mega napi penanggul ngulihka sempekat setuju ari orang ti ngempu tanah tang diatu semua udah nerima timbal enggau kerejasama ke manah,” ku iya.
Harden bejaku munyi nya pengudah ngabas jematan gantung Batang Undop di Kampung Beleti kena 16 Januari tu tadi.
Ku iya, sebedau nya sida mega napi penanggul ngiga orang ti ngempu tanah sereta berunding pasal pengawa meli tanah dia laban orang nya nadai diau di Simanggang agi.
“Nengah Projek RTP tu, projek jematan diperambu tu dipelabaka beungkus RM2.9 juta renggat keterubah seraya RM600,000 renggat kedua,” ku iya.
Berita penuh Ruai 8 sehari tu.

Suara Sarawak