Jematan runtuh, peranak Ulu Rimbas tepekul

BETONG: Berindik ari tanah tusur urung pukul 4 lemai kemari, sebuah jematan ngagai Rumah Panjai Ulu Rumbas ditu udah putus.

Penusah tu ngujungka lebih ari 102 peranak ari rumah panjai nya tepekul.

Nitihka penerang Sekretariat Komiti Penyangga Penusah Ngenyit Nengeri (JPBN), tanah tusur nya nyadi ngujungka jematan putus ketegal ai deras ba kandang menua nya.

Piak Raban Penyaga Orang Periman (APM) Betong mega udah ngesah ngagai endur nya ngambi matau penusah nya.

“Beduduk ari nya, peranak dia udah ngaga andau ngambika sida ulih ngelayang ke seberai.

“Tuai Rumah Ulu Rimbas, Benjamin Liang madahka sida diatu nadai jalai bukai kena mindah ke bukai lalu bepanggai ba jematan nya aja,” terang iya.

Ai diripot majak surut lalu nadai palan ngenduh dibuka naka berita tu dikarang.