SARATOK: Projek nyeruri Jematan Krangan Rusa beungkus RM1 juta diatu udah manggai 90 peratus tembu.
Sapit Menteri Pengeluar Kuasa enggau Pengeraja Asal, Ali Biju madahka semua projek pemansang dipejalai ba menua nya endang semampai dipatau rat.
Ku iya, tu nyengkaum projek nganti jematan ke lama enggau jematan semin di Krangan Rusa ke diatu udah datai ba renggat kepenudi.
“Kami naka ulih nentuka projek ulih tembu dalam timpuh, enti projek ulih tembu tumu nya ke manah agi.
“Semadi mih bisi penanggul besai enda ulih diseliah baka pengerekai Covid-19 ke ngujungka projek laun tembu ketegal atur mukaska igi penyakit nya dipejalai,” ku iya lebuh dirandau Suara Sarawak.
Ali madah, bala pengari ari Palan Servis Komuniti Sitak Parlimen Saratok betuaika Glen Anthony enggau Laga udah ngabas pejalai projek nya pagi tadi.
Berita penuh Ruai 7 pagila
Jematan semin Krangan Rusa udah tembu 90 peratus
