SAPA kala nyangka pengawa ngaga arca ari besi ti enda diguna ulih meri penatai pemisi ngujungka pengawa nya nyadi batang pengawa Mohamad Kasat Bujang Narawi, 44.
Lebuh ngepunka randau enggau iya, pemberita tekenyit ninga anak asal ari Kampung Sadong Jaya tu kala nyual sebuah arca ti manggai rega RM26,800.
Taja nadai ngembuan setipikit dalam bidang seni arca baka orang bukai lelaki ti nyamai agi dikangau Kasat tu madahka iya sebedau tu sigi endang udah lama ngaul diri dalam pengawa ngaga ‘welding’ pagar besi.
“Nadai kala terundingka diri deka tama dalam dunya seni kraf jari baka tu, tang tu meh asil pengawa aku diatu.
“Pelasar dikena aku ngasilka arca iya nya ngena pelasar nguna kereban besi ti udah enda dikena agi baka komponen motosikal, rantai taya, sekeru, bearing, pisten enggau ke bukai,” ku iya lebuh dirandau Suara Sarawak.
Berita penuh tau dipeda ba Ruai pagila
