ARTIKEL

ARAP LIAT ATI… Nancy (kiba) ngaum tudah Jini (dua kanan) ba palan SAR enda jauh ari Sungai Rayu, Jalai Selang Lundu ditu tadi.

Jini ninga indai manjung tiga kali

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Anak tudah ti dipelaba ditagup jagu ba Sungai Rayu, Jalai Selang Lundu kena Hari Tiga tu tadi bisi ninga indai iya manjung tiga kali sebedau indai tuai ke beumur 76 taun nya nadai dipeda.

Jini Mijar, 54, madah ke diri berumban baban ngiga tudah indai iya sepengelama 30 minit sebedau minta sah orang bukai.

“Dulu ari nya, indai mai aku ngiga lukan enggau tekuyung, sebedau kami duai mudik ke ili sungai.

“Aku ngiga lukan enggau tekuyung ba atas, iya ba baruh tebing sungai, kira ke 10 meter takah ari endur aku.

“Ari nya, aku ninga endar indai manjung tiga kali,” ku iya lebuh dirandau pemberita tadi.

Ku Jini, iya tekenyit ninga panjung lalu berumban ngiga indai ngagai tebing sungai seraya ngangauka nama iya.

“Aku ngagau ke iya ‘indai, indai, indai’, tang iya nadai nyaut agi, bisi 30 minit aku ngiga iya,” ku iya.

Jini udah nya beguai pulai ke rumah di Kampung Sungai Belian sebedau ngemegauka orang bukai.

Baca lain  Inisiatif ngemansang komersial betanam betupi terus dipejalai

“Aku nadai daya agi, semina Tuhan aja nemu ati aku maya nya,” ku iya enggau chukup penyinu.

Berebak enggau nya, Pegawai Trafik Pelilih Menua Lundu, Inspektor Benjamin Annau Kalom madah, operasyen ngiga enggau ngidupka (SAR) tudah Minu Khien agi dipejalai di darat enggau ili sungai.

Ba hari kedua ku Benjamin, bala sida ngiga ngagai sungai mit enggau sungai besai seraya disaup peranak kandang menua bukai.

“Kami melaba tudah diirit ke ulu sungai, taja pia kami mega bisi ngiga iya ngagai sungai besai,” ku iya.

Minu dipelaba ditagup jagu lebuh ngiga lukan enggau tekuyung kena Hari Tiga tu tadi di Sungai Rayu, Jalai Selang, Lundu.

Sama bisi datai, Menteri Pemansang Indu, Ruang Bilik enggau Komuniti ti mega Kaban Parlimen Santubong Datuk Seri Nancy Shukri.

NYIDI… Raban SAR benung nyidi bekau tudah ke dipelaba ditagup jagu.

NOTIS TENDER

BERITA LAIN

Sarawak ngembuan mayuh produk dagang temuai

KUCHING: Sarawak sekali agi negapka penuduk nyadi palan program dagang besai ba Eksibisyen Worldwide ungkup Dagang Temuai Insentif, Aum enggau Program (IMEX) Frankfurt ba Jerman

Komiti khas ditumbuh munas penyeranta

KUCHING: Kaban Komiti Khas deka ditumbuh ngambi mantu munas penyeranta ba selampur bagi menua di Sarawak. Menteri Pemansang Indu, Nembiak Mit enggau Pengintu Pengelantang Komuniti,

BERITA TERBARU