KUCHING: Champion Dayung Gawea Tematu 2022 diempu indu dara bajik ari Kampung Stenggang Bau, Joana Jane Francis, 19 taun.
Joana mujur ngalahla 11 iku indu dara bajik bukai ti sama bepekit malam ensana.
Pekit Dayung Gawea Tematu 2022 nyadi program kepenudi Pesta Gawea Tematu 2022 ti diatur ba Balai Mensia Mayuh Kampung Tematu kena 2 Julai tu tadi.
Joana mujur mai pulai perais mata duit RM1,500, jumpang, bungai, setipikit enggau selampai.
Iya mega ngempu gela Miss Popularity malam nya.
Kelimpah ari nya, lumur dua dipenggi Cecilia Odelia Sem, 19 taun anak asal Kampung Tematu empu.
Cecilia mai pulai perais mata duit RM1,300, jumpang, bungai, setipikit enggau selampai.
Lumur tiga dipenggi Angelyn Vennisia Robert, 23 anak asal ari Kampung Sebiris Lundu.
Angelyn mega mai pulai perais mata duit RM1,000, jumpang, bungai, setipikit enggau selampai.
Iya mega ngempu gela Miss Best Costume malam nya.
Kelimpah ari nya, Miss Tourism pulai ngagai indu dara bajik Yolanda Randu Ting Hui Rong, Miss Photogenic pulai ngagai Tonnia Kisi, Miss Talent pulai ngagai Elviana Alis Bolia enggau Miss Tradisional pulai ngagai Olivia Jane Polycap.
Perais pekit ngagai bala champion disuaka Adun Batu Lintang Lo Khere Chiang.
Sama bisi datai Chairman Pengatur Karnival Gawea Tematu 2022 John Pata James Jumin enggau bala bukai.
