ARTIKEL

John Watson Tamin Pegari panggau dunya

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

ANAK Iban asal ari menua Betong, John Watson Tamin Willie Rimong mujur menggi gelar champion ba Pekit Mister Heritage International 2023 ti diatur ba Filipina kena 29 April tu tadi.

Ba pekit nya, John ti ngarika menua Malaysia mujur ngalahka 30 pemekit bukai ti datai ari serata dunya.

Berebak ari penyulut nya, iya mujur mai pulai perais mata duit US$5,000, jumpang enggau selampai.

Ukai naka nya aja, John bela bulih anugerah bukai nyengkaum Anugerah Pintar Niu Jaku (Best Spokerperson), Anugerah Personaliti Pemadu Manah (Best Personality) enggau Anugerah Narit Ati Akim (Best Grand Arrival).

Nengah pemujur nya, John udah ngemegah nama Malaysia kelebih agi Sarawak sereta mandangka pengaya main asal enggau penyelai ngepan bansa Iban ba tikas antarabansa.

Pemekit ari India, Banner Lenamai mujur menggi penuduk kedua lalu penuduk ketiga dipenggi pemekit ari Jipun, Masanobu Huchihashi.

Ungkup rikod, John ngarika Borneo kala bulih champion ba Pekit Mister Glam International 2022 ti mega diatur ba Filipina bulan November taun tu kemari.

Penanyi, pelakun, model, pengelicha motivasyen nya mega kala dipadu nyadi Keling Gawai Dayak Renggat Menua Sarawak 2022, Mister Elegent Sarawak 2019 enggau mayuh agi ti bukai.

Mister Heritage International 2023 nya mega chakah nyukung United Nations International Children’s Emergency Fund (Unicef), sebengkah gerempung ti ngintu enggau negika hak nembiak mit ba serata dunya.

Nya alai, pemujur John nya ukai semina mai nama menua ba panggau dunya tang udah narit ati mensia di serata dunya rindu meda pengeraja enggau penyelai pekayan asal kitai Iban.

Besai pengandal kitai bisi rebak biak ulih nampung pengelandik enggau pengepuh John nyagu pesaka bansa kitai Iban ngambi majak dikelala dunya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU