HSL berbuka puasa bersama pengamal media di Sarawak.

Joseph Salang nyadi Presiden PRS pengudah John Sikie narit diri

Facebook
Twitter
WhatsApp
Telegram
Email

KUCHING: Supreme Kaunsil Parti Rakyat Sarawak (PRS) udah setuju enda ngatur pengawa bepilih ba Aum Besai Pengari Tiga Taun Sekali (TDC) ujung minggu tu.

Sekretari Besai PRS, Datuk Janang Bungsu madah, pekara tu disetuju ngambi nyaga penyerakup enggau pemanah kaul dalam parti.

“Raban Supreme Kaunsil setujuka pekara tu pengudah beratika pemesai jasa Mandal Presiden PRS, Datuk John Sikie enggau Pemangku Presiden, Datuk Joseph Salang,” ku iya.

Janang mansutka jaku nya ba aum pemberita PRS, kemari.

Ku iya, Sikie udah mandangka penau nyadi ketuai enggau nyadi chunto lebuh narit diri ari bediri mangku pengawa nyadi Presiden ke mega pangku pengawa dipegai niang Tan Sri Dr James Jemut Masing.

“Iya deka mangku pengawa ke baruh agi taja udah dichalun mangku pengawa nyadi presiden parti.

“Pia mega, Joseph Salang udah setuju mengkang mangku pengawa nyadi presiden ngambi nyaga penyerakup dalam parti,” ku iya.

Nambahka nya ku Janang, tuai PRS sedarka empas negatif ngagai Gempung Parti Sarawak (GPS) enti enda ulih mutarka penyarut dalam parti.

Ngambi nyaga penyerakup enggau penegap parti, kami udah setujuka ‘raban ketuai dipilih’ ke alai kami nadai ngatur pengawa bepilih ba TDC,” ku iya madah nyemetak.

Sama datai ba aum pemberita tu iya nya Salang, Sikie enggau Tuai Pemadah PRS Datuk Wilfred Nissom.

Sikie nya Menteri di Opis Premier Sarawak enggau Adun Kakus, seraya Salang nya ex-Sapit Menteri ba kabinet Perintah Besai enggau ex-Kaban Parlimen Julau nya dua tuai parti ti nganjung keretas chalun ungkup pangku pengawa Presiden.

PRS nya parti komponen dalam GPS ke deka ngatur TDC di Sibu kena 23 enggau 24 April tu.
Dulu ari nya, Tuai Nembiak PRS, Datuk Snowdan Lawan madah ngagai sebengkah media pasal Sikie mengkang nyadi siku ari empat Mandal Presiden PRS seraya Sapit Menteri Infrastruktur enggau Pemansang Palan Penyangkai Kapal, Datuk Majang Renggi deka nyadi Sapit Presiden Baru.

Snowdan madah, iya deka nyadi Tuai Raban Nembiak parti baru enggau nadai bepilih pengudah Adun Murum, Kennedy Chukpai Ugon narit diri seraya Datuk Seri Doris Sophia Brodie mega mengkang nyadi Tuai Raban Indu parti.

e-Akhbar Suara Sarawak

Berita Berkaitan

E-Paper

1 April 2023

Berita Terbaru