ARTIKEL

JPBM udah numbuhka Unit Ngena Dron

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Penumbuh Unit Ngena Dron ba Opis Bomba enggau Penyah Penusah Malaysia (JPBM) Sarawak deka mantu ngemuntangka enggau ngelengkaska operasyen Nyidi enggau Penyah penusah (SAR).

Direktor JPBM Sarawak Datuk Khirudin Drahman madahka dron diguna lebuh bisi operasyen baka penyadi angus enggau nagang kes angus.

“Dron ulih mantu lebuh kitai ngatur operasyen laban menua Sarawak besai.

“Pemujur operasyen ulih dipeda nengah pengelengkas kitai ngidupka nyawa,” ku iya.

Khirudin bejaku munyi nya lebuh Bejadika Unit Dron JPBM Sarawak enggau Nutup Kus Latih Mai Dron di Opis JPBM Sarawak ditu kemari.

Opis Bomba enggau Penyah Penusah Malaysia (JPBM) Sarawak numbuhka Unit Ngena Dron di menua tu.

Ku iya, kus mai dron beguna ngambika raban bomba ti megai pengawa nya nemu chara ti betul enggau sistematik mai dron.

“Sekeda pekara baka palan ti enda tau ditengah enggau pantang larang lebuh mai dron patut ditemu raban bomba awakka ulih nyelihka pekara ti enda manah.

“Aku beterima kasih ngagai Tuai Pemesai Eksekutif (CEO) Kolej Peneleba Kuching Novert Sullang Douglas Sullang laban udah meri latih ngagai 21 iku penyerata kus,” ku iya.

Ku iya, elemen dron diguna lebuh ngatur operasyen SAR endang dikena ngenyampatka awak sereta ngidupka nyawa.

“Sebedau tu lebih ari 60 peratus kangau telefon diterima bomba endang ungkup operasyen ngiga enggau ngidupka nyawa.

“Ngarapka enggau penumbuh unit tu operasyen kitai deka majak jampat enggau majak manah.

“Aku mega meransang raban pemesai ti mai dron patut bisi minat ngena keresa tu ngambika tuju penumbuh unit ulih dijapai,” ku iya.

BERITA LAIN

BERITA TERBARU