ARTIKEL

JPSEKMB ngintu pengelantang Bisaya

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

LIMBANG: Komiti Pemansang Rama, Ekonomi enggau Pengintu Pengelantang Komuniti Bisaya Limbang (JPSEKMB) sebengkah pelasar beguna dikena mantu komuniti nya ti beguna ke bantu.

Adun Batu Danau, Paulus Palu Gumbang madah, sekeda pangku pengawa JPSEKMB baka mantu perayat ba genturung pendiau dia ti seranta sereta beguna ke bantu dikena nyeleti rumah sida enggau ti bukai.

“JPSEKMB mega udah ngagihka bantu dikena mayar ungkus masang kuasa karan ba rumah raban tu ti patut dibantu,” ku iya.

Paulus mansutka jaku nya rambau ngulu program beripai ngaga perabung rumah perayat Kampung Induk Sangkar, ditu ensanus.

Iya mega udah nyain pom peminta bantu pengintu pengelantang pengempu rumah nya dikena nyukung peminta nya ngambi dikemendar.

Ba program bukai, Paulus bisi ngaga penemuai gawa enggau matau sekeda endur ba sitak Kampung Induk Sangkar, Ukong enggau Sekula Primari (SK) Ukong.

Ku iya, asil ari pengawa matau nya bisi sekeda jalai alun ti rusak enggau belubang ba sitak nya ti patut diseleti ke pemaik perayat dia. -EDISI UKAS 

BERITA LAIN

BERITA TERBARU