ARTIKEL

Juluk ati Darren ba Pekit Sape’ Junior 2023

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pemenggi midul emas Malaysian Championship Performing Arts 2021, Darren Mengga Larry Mengga,18 siku penyereta ti deka besatup ba panggau kepenudi Sape’ Junior 2023.

Darren deka besatup ngelaban lima penyereta bukai ti datai ari pelilih Kuching, Miri enggau Sibu dikena ngerebut gelar champion ba pekit nya.

Ku iya, mayuh penguji ditapi iya ba pekit nya laban iya siku penyereta pemadu biak lalu mayuh pekara ti patut dipelajarka iya.

BEPENAU… Darren temegah mantai pengelandik diri nebah sape’.

“Pekit sekali tu bebida ari pekit ti sebedau tu laban tu meh keterubah iya bala penyereta deka mantaika lagu kontemporari lalu disempulang Kombo D’Aspirasyen Radio Televisyen Malaysia (RTM) Kuching.

“Tu meh keterubah iya pekara tu diatur lalu tu siti penguji ngagai semua kami ti ngambi bagi ba pekit tu.

“Pia mega, penatai bala penyereta bepenau enggau ngembuan mayuh peneleba nyadi penguji besai ba aku laban mayuh pekara patut dipelajarka aku,” ku Darren.

Darren mansutka jaku nya rambau dirandau pemberita pengudah aum media hari kepenudi Sape’ Junior ba Auditorium RTM Kuching, ditu tadi.

Taja napi bemacham penguji, nembiak penakan Iban-Bidayuh nya enda mantul ati lalu nerus pengawa diri masuk pekit nya nyadi pemain sape’.

“Aku deka ngaga pemadu manah ba pekit tu tang enti ukai jereki aku menang ba pekit tu, aku nerima enggau ati baruh.

“Tang enti aku mujur bulih gelar champion, aku ngarap raban bekaul majak chakah agi nyaguka kereban muzik sape’ sereta ngatur mayuh agi pekit sape’ dudi hari.

“Pia mega, aku ngarap pekit baka tu enda ngetu naka tu aja laban aku deka meda sape’ majak dikelala sebaka kereban muzik bukai,” ku iya.

Darren mega mantai juluk diri deka mantaika penau diri nebah sape’ ba panggau dunya baka Pengerami Muzik Kampung Ujan Dunya (RWMF).

“Laban nyadi siku pemain muzik tradisional, aku kala ngembuan juluk mantaika penau diri ba panggau dunya baka ba RWMF tang aku bedau bisi peluang.

“Taja pia, aku besampi ngarap pejalai aku nyadi siku pemain sape’ ulih nyingkang jauh dudi hari,” ku iya.

Iya mega ngelalau mensia mayuh sampal datai ngemata hari kepenudi Pekit Sape’ Junior kena 13 Mei tu.

BERITA LAIN

BERITA TERBARU

‘Strongman Challenge’ tarik minat orang awam

KUCHING: Penganjuran pertandingan ‘Strongman Challenge’ dapat menggalakkan gaya hidup sihat dan minda yang kuat dalam kalangan anggota polis serta orang awam. Komandan Pulapol Kuching, SAC