KOTA SAMARAHAN: Juluk ati Universiti Malaysia Sarawak (Unimas) deka ngembuan sepital pengajar kediri diatu udah nyadi nyata.
Kebuah pia laban pengawa nya udah dijapai lebuh Pengawa Nyuaka Surat Setuju Terima Projek Sepital Pengajar enggau Palan Pengerai Prima UNIMAS ti disuaka Menteri Kanan Kereja Raya, Datuk Seri Fadillah Yusof ba Kuching kemari.
Penumbuh Sepital Pengajar ti keterubah ba Sarawak nya dikearap deka terus meri pemaik ngagai rayat ngambi nerima servis berubat pemadu manah ba menua tu.
Sapit Chanselor Prof. Datuk Dr Mohamad Kadim Suaidi ngarika Unimas udah ngemataka pengawa besejarah tu enggau juluk ti lama dianti manggai 29 taun ke dekaka bisi sepital pengajar kediri udah nyadi nyata.
Sama datai ba pengawa tu iya nya Sapit Ketuai Sekretari (Atur Pengawa enggau Pemansang) ngarika Opis Menteri Palan Pelajar Tinggi enggau Prof. Madya Dr Ehfa Bujang Safawi sereta Direktor Sepital Pengajar enggau Palan Perubat Unimas, Datuk Rosli Yaakub.
