ARTIKEL

NGIRI PENEMU… Bala kaban DBNA Sibu ngatur penemuai seraya bekelala enggau pengempu butik ROSES Salon, Boutique & Academy, Rose.

Kaban DBNA Sibu bulih peransang ari Rose

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Serakup Bansa Dayak Bidayuh (DBNA) Pampang Sibu udah ngatur penemuai ke ROSES Hair and Beauty Studio, ditu empai lama.

Pejalai raban komuniti Bidayuh sehari nya betuai ke Sapit Chairman DBNA Sibu, Deri Ng.

Ku iya, batang tuju penemuai sida deka mai semua kaban komiti Bidayuh kelebih agi di Sibu ngelala kus pengelandik ti ngaul pengawa bejadit enggau nengkebang pisin.

“Kelimpah ari nya, kitai deka ngerandang peluang ngagai bala kaban serakup nambahka ekonomi diri ngena pengelandik dikembuan.

“Ambi ke chunto, pengempu ROSES Hair and Beauty Studio, Rose Chukan nya orang ti chukup dikelala ba dunya seni pengelandik kraf enggau nengkebang pisin Dayak,” ku iya nengah sebengkah penerang.

Berindik ari nya, Rose mega meri penerang pasal pejalai butik ke ditumbuhka iya pengelama 25 taun nya.

Ku iya, bisi bemacham kus pengelandik disedia baka pemun bejait, nengkebang pisin, pemajik, ‘modeling’ enggau servis bukai nipak peminta penguna.

“Butik tu mega dikelala enggau nama ‘ROSES Bridal Boutique and Academy’ enggau ‘Tampak Pegari Fesyen’ laban kededua tu ditemu penguna nengah laman Facebook.

“Aku mega nerima nembiak ke ngambi latih industri ari sekeda ejensi baka Kolej Vokasional,” terang iya.

Penemu dikunsi Rose pasal pejalai ngemansangka butik nya udah meri peransang ngagai raban komuniti Bidayuh ngambi nanggam kaul kerejasama.

Kaul kerejasama nya ukai semina ulih ngerapitka penyerakup raban bansa Dayak aja tang mega meri peluang ekonomu ngagai sida kelebih di Sibu lalu ngulihka belanja ngagai ruang bilik.

Barang sapa ke bisi ati deka nemu silik pasal kus pengelandik ke disedia tau ngelawa terus butik nya di Ringkat 1, Lorong Seduan 6, Jalai Teng Chin Hua, Sg Merah, Sibu tauka ngelawa Facebook ‘ROSES Salon, Boutique & Academy’ enggau ‘ROSES Tampak Pegari Fesyen’.

BERITA LAIN

Sarawak dulu sesingkang mantu rayat

BAU: Perintah Sarawak dipuji laban ngena chara go the extra mile tauka dulu sesingkang ba pengawa meri bantu ngagai rayat di menua tu. Sapit Menteri

Isut mubuk menua Kabo Ulu

ISUT nitih ke jerita, nyadi tuai orang ti muai unak, muai lemetak, muai batang, muai agang di sitak menua Kabo Ulu. Iya tuai orang berimbau,

BERITA TERBARU

Polis siasat wanita dakwa diri Imam Mahdi

KUANTAN, Pahang: Polis sedang menyiasat seorang wanita yang mendakwa dirinya sebagai Imam Mahdi seperti tular di media sosial sejak semalam. Ketua Polis Daerah Jerantut, Superintendan