Kaban ngemedis kaban

SIBU: Ketegal nyangka kaban iya enchuri duit, siku lelaki kempang manchak kaban iya enggau sebilah lungga ngujungka kaban iya bakal kena Hari Lima tu tadi.

Ketuai Polis Pelilih Menua Sibu ACP Stanley Jonathan Ringgit dalam siti penerang media kemari madahka, kes nyadi pukul 2 lemai di sebuah rumah ba Jalai Belatok.

“Berindik ari nya, lelaki ke beumur 32 taun ti nyadi pekereja pak kupi ditan dikena mantu mansik kes,” ku iya.

Ku Stanley, kaban iya ti bakal ba perut nya beumur 32 taun.

Dulu ari nya, iya madahka pansik tumu teulihka maya kes nyadi lelaki ti bakal nya ngusung rumah bakih iya nya.

“Enda memukai orang ti digusung iya madahka duit iya lenyau lalu nuduh iya enchuri. Ketegal udah kelalu ransi sereta kudi, lelaki nya kempang manchak kaban iya empu ngena lungga,” ku iya.

Stanley madahka, sebuah tim polis pemansik udah ngusung Sepital Sibu ngesah lelaki nya sereta meda abi bakal ba perut iya.

“Kes tu dipelaba bepun ari bakih iya ti ngumbai lelaki nya enchuri duit.

“Kes dipansik ba baruh Seksyen 324 Kanun Keseksaan iya nya enggau sengaja ngemakalka orang ngena senyata,” ku iya.