KUCHING: Menteri Pelajar, Inovasyen enggau Pemansang Penau Datuk Roland Sagah Wee Inn minta Opis Menteri Pelajar Malaysia (KPM) ngemetulka kalendar akademik 2022 ti udah ngelaungka Hari Gawai Dayak.
Kenu ku iya, pengawa ngelaungka Hari Gawai dalam kalendar akademik 2022 nya siti pengawa ke enda patut sereta nadai bebasaka sensitiviti rayat.
“Aku udah meda Takwim sekula ke dibantaika Opis Menteri Pelajar Perintah Besai, Hari Gawai Dayak nadai dipasuk.
“Pengawa ngelaungka pengerami Hari Gawai dalam kalendar akademik 2022 endang siti ulah ke enda bebasaka sensitiviti rayat Sarawak lebih agi bansa Dayak,” ku iya nengah sebengkah penerang media, ensana.
Nya alai, ku iya ke mega Kaban Kunsil Nengeri (Adun) Tarat, laban bebasaka semangat Malaysia Sebilik ke idup lantang, iya minta Opis Menteri Pelajar Perintah Besai ngemetulka pengilap ke udah digaga nya.
“Pia mega, KPM patut minta amput laban udah ngelaungka Hari Gawai Dayak dalam kalendar akademik nya,” ku iya.
