ARTIKEL

Kanowit entara nalan ngelati jaku komuniti

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUALA LUMPUR: Pelilih Kanowit entara nalan dipilih ngatur Randau Jaku Kolokial: Ngelati Jaku Komuniti berambaika jaku ‘Menghilir Sungai Pahang’.

Menteri Penyerakup Bansa, Datuk Aaron Ago Dagang madah, randau tu diatur Opis Menteri Penyerakup Bansa nengah Arkib Negara Malaysia.

“Randau tu diatur laban sedarka pemesai reti jaku nyadi pesaka enggau ejensi pemekuh penyerakup raban bansa enggau etnik ba menua.

“Jaku etnik enggau jaku kolokial nya pesaka asal menua ke meseti ditan, dikerembai enggau dilati.

Aku pechaya program tu ulih ngangkat elemen asal, seni enggau budaya kelebih agi jaku nyadi ejen pemekuh raban bansa enggau pemujur Malaysia MADANI.

“Program tu mega sebagi ari chara negapka semangat sayauka sejarah enggau nerenak ulah sayauka menua dalam komuniti,” ku Kaban Parlimen Kanowit nya.

Aaron mansutka jaku nya lebuh bejadi Randau Jaku Kolokial: Ngelati Jaku Komuniti berambaika jaku ‘Menghilir Sungai Pahang’, kemari.

Ungkup penerang, program nya deka diatur ba empat nalan baka Kanowit, Kota Kinabalu Sabah, Kota Bharu Kelantan enggau Ipoh Perak.

Dulu ari nya, Aaron udah nerima penemuai basa ari Gerempung Nagang Penyalah Dadah Malaysia (PEMADAM) betuai ke Datuk Jamela A.

Bakar sereta deligit iya nyengkaum pengari ari Gerempung Pekara Mensia Antarabansa Nixon (NIHO).

Batang tuju penemuai nya dikena negapka kaul kerejasama entara PEMADAM enggau opis menteri ngambi ngemujur strategi A2 dalam Langgur Pemansang Malaysia Lumpar Ke-12 (RMK-12) iya nya munas salah guna dadah enggau ngidar dadah.

Aaron mega ngelalu PEMADAM ngambi bekerejasama enggau raban penyerakup renggat baruh kelebih agi Komuniti Genturung Pendiau dikena ngatur aktiviti munas dadah ba selampur menua.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

PUSTAKA agih daging korban kepada 220 asnaf

KUCHING: Perbadanan Kemajuan Perusahaan Kayu Sarawak (PUSAKA) memperluaskan rezeki dengan mengagihkan daging korban sempena Program Ibadah Korban PUSAKA 2024 kepada 220 orang asnaf bertempat di