Kapit enggau Song PKP, 2-15 Februari 2021

KAPIT: Pelilih Menua Kapit enggau Pelilih Menua Song deka bejalaika Atur Mindah Betagang (PKP) bepun 2 Februari sepengelama dua minggu.

Nitihka penerang ari Palan Servis N.61 Pelagus, pemutus nya digaga Komiti Penyangga Penusah Ngenyit Nengeri (JPBN) lalu disetuju Sapit Kepala Menteri Datuk Amar Douglas Uggah Embas ti mega Chairman JPBN.

“Adun Pelagus Wilson Nyabong Ijang udah badu baum ngena aplikasyen ‘zoom’ enggau Uggah, raban JPBN sereta Komiti Penyangga Penusah Bagi Menua (JPBK) Kapit ti betuaika Residen Bagi Menua Kapit Nyurak Keti.

“Tuju penerang tu dipadahka ngambika peranak Song enggau Kapit besedia berengkah 2 Februari tu kitai deka PKP,” ku penerang nya ditu kemari.

Ngelansa dalam agi, penerang nya madahka pemutus tu digaga laban kes positif Covid-19 di dua sitak nya majak niki.

SUNYI…Pasar Song puang beduduk ari kes positif COVID-19 ke majak ngerekai ba sitak nya.

Suara Sarawak