KAPS mujur nurunka kes nembiak ngandung biak

KUCHING: Program Sedar enggau Advokasyen Pelajar Seksual (KAPS) mujur ngurangka kes nembiak agi sekula betubuh bisi.

Menteri Pengintu Pengelantang Pendiau, Komuniti, Orang Indu enggau Pemansang Anak Mit, Datuk Seri Fatimah Abdullah, madah, ambika chunto di Sri Aman, penyampau kes nembiak ngandung agi biak sereta kes muai anak majak nurun berindik ari program KAPS diatur ba semua sekula pelilih nya.

“Kami bejalaika program tu begulai enggau pengari rayat, piak sekula enggau Gerempung Apai Indai enggau Pengajar (PIBG) dikena nerang pasal kes enggau penanggul nembiak ngandung agi biak.

“Tu siti ari program diatur begulai enggau komuniti lalu diperati udah mantaika pemujur laban kes bekaul majak nurun ba menua tu,” ku iya lebuh dirandau pemberita di Wisma Wanita, tadi.

Ku Fatimah, ba program KAPS sida nerang ngagai bala nembiak bekaul empas beleman ari sukut batang tubuh, proses fatalisasyen enggau undang-undang diungkupka sida ti ngereja penyalah nya.

“Tu nentuka nembiak sedar lalu meretika pangka ti ulih diterima sida enti sema sida ngereja penyalah nya,” ku iya.

Suara Sarawak