ARTIKEL

Karnival MATTA nerima timbal positif

Facebook
Twitter
LinkedIn
WhatsApp
Telegram

KUCHING: Karnival Gerempung Ejen Dagang Temuai enggau Bejalai (Pengembaraan) Malaysia (MATTA) nerima timbal manah ari mensia mayuh ti deka nemuai ke menua luar.

Program ti diatur dua hari berunggu nya digulu sekeda serikat ejensi dagang temuai enggau kerejasama sekeda serikat penerebai bilun, industri hotel enggau ke bukai.

Presiden MATTA Pampang Sarawak, Oscar Choo madah sektor dagang temuai bekuasa mai pengerembai ekonomi menua kelimpah ngelala silik agi budaya ba serata dunya.

Ku iya, ba gaya menua deka pulai baka selama, sida andal ulih mai rayat di serata dunya ngasaika pejalai nemuai ngagai selampur menua sereta menua luar.

“MATTA nyadi siti pelasar dikena bala penguna muntang agi nyapai juluk ati deka bejalai ke menua bukai lebuh kemisi kelebih agi ngagai menua ti deka digusung.

“Mayuh pakej nemuai bisi disedia nyengkaum sukut pengelikun, jimat belanja enggau ngasaika penelaba nemuai ti manah,” ku iya.

Oscar bejaku munyi nya rambau Karnival MATTA ba sebuah palan bebeli barang ditu, kemari. Ku iya, mayuh raban pemekuh industri ngaul diri ba pekara nya baka Malaysia Airlines, MASWings, AirAsia, Firefly enggau ke bukai.

“Kami mega nerima kerejasama manah ari raban hotel baka Hilton Hotel, Grand Margherita Hotel, Damai Beach Resort, Sematan Palm Beach Resort, Meritin Hotel, Royal Kuching Cruise enggau ke bukai.

“MATTA pechaya nengah kerejasama nya, industri dagang temuai menua kitai deka tegap sereta ulih mantu ngerembaika semua industri dagang temuai di menua tu,” ku iya.

Sama datai, Sapit Menteri Dagang Temuai, Industri Kreatif Enggau Seni Pemerindang, Datuk Sebastian Ting Chiew Yew, Sapit Presiden MATTA, Sheikh Awadh Sheikh Abdullah enggau bala bukai.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU

Sarawak berada di depan transformasi digital

SEPANYOL: Sarawak berada di barisan hadapan dalam transformasi digital sekali gus memanfaatkan teknologi untuk memacu inovasi dan produktiviti merentasi pelbagai industri. Menurut Menteri Utiliti dan