ARTIKEL

Datuk Martin Ben begambar begulai enggau pengari tim ke bepekit ba Karnival Trofi YB Dato Seri Roland Sagah Wee Inn. - Foto: UKAS

Karnival Trofi YB Dato Seri Roland Sagah Wee Inn diatur kena 10 Ogos

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SERIAN: Karnival Trofi Dato Seri Roland Sagah Wee Inn, Prima Bidayuh Siri 3 2024, diperambu deka diatur kena 10, 11 enggau 18 Ogos 2024.

Sitak Kunsil Nengeri (DUN) Kedup udah dipilih nyadi tuai rumah pengerami ke deka dipasuk lapan tim ari sitak DUN Opar, Tasik Biru, Serumbu, Mambong, Tarat, Tebedu, Kedup enggau Bukit Semuja.

Bisi tiga padang udah dikelala nyadi palan ngatur pekit nya nyengkaum Padang Main Bol Gerija St Jude, Padang Bunan ungkup kategori veteran, Padang Main Bol Kampung Mujat enggau Padang SALCRA Kedup 2 ungkup kategori indu.

Seraya pekit kepenudi kena 18 Ogos 2024 deka diatur ba Padang Gereja St Jude, Bunan.

Dikena napi Karnival Piala Prima Bidayuh 2024, Palan Operaysen DUN N22 Kedup udah ngaga bemacham penyikap ti patut.

Dikena meri terima kasih ngagai semua pengawa raban komiti karnival sereta dikena meri peransang ngagai pengatur tim enggau bala pemain, aum udah diatur ba palan parti nya di Kedup, Bunan.

Pengawa bejadi udah diatur nengah pengawa nyuaka jersi tim begulai enggau Sapit Menteri Industri Pemakai, Komoditi enggau Pemansang Kandang Menua Sarawak, Datuk Martin Ben, ngagai raban menijar enggau tuai tim veteran, indu sereta nembiak.

Martin ba jaku pandak iya meri terima kasih ngagai kerejasama enggau semua komitmen ti dipandang.

Iya ngarapka pengeransing ke bisi diatu terus dikemeran lalu pengawa tu nyadi pengerami ke pemadu manah enggau richah kala diatur.

BERITA LAIN

BERITA TERBARU