MIRI: Pengerami Gawai Dayak ti diintu ninting taun nyadi pelasar negapka penyerakup sereta kelai pengidup komuniti Dayak ti likun enggau lantang di Sarawak.
Menteri Pengangkut Sarawak, Datuk Seri Lee Kim Shin madah, bida jalai pengarap enggau raban bansa meseti nyadi penyelai enggau pengering nipakka ‘Perpaduan Dalam Kepelbagaian’.
“Pengerami ti diatur sehari tu (kemari) dikena negutka kaul, nempa ulah kerejasama, besaup enggau ngintu pengelantang,” ku iya.
Kim Shin mansutka jaku nya ba Pengerami Nutup Gawai Bidayuh ‘Rami Gawea’ Tudan 2023, malam tadi.
Teks jaku Kim Shin ke mega ADUN Senadin dibacha Chairman Serakup Dayak Bidayuh Nasional (DBNA) Pampang Miri, Simon Ilus.
