Keingat titihka lalau MKN, KKM

KUALA LUMPUR: Yang di-Pertuan Agong, Al-Sultan Abdullah Ri’ayatuddin Al-Mustafa Billah Shah minta rayat ngingat lalu nitihka lalau ti ditetapka Kaunsil Pengelikun Menua (MKN) enggau Opis Menteri Pengerai Malaysia (KKM) beduduk ari mayuh agi sektor dibuka baru sehari tu.

Ba penerang akaun Facebook Istana Negara, Al-Sultan Abdullah minta rayat semampai bedisiplin enggau ngemeran daya idup baru ngambi nagang pengerekai igi penyakit Covid-19.

“Jaku lalau tu berindik ari mayuh sektor rama enggau prasekula, tabika sereta tadika perintah enggau peribit ti dikemendar dibuka baru kemari,” ku iya nengah akaun Facebook iya.

Atur Tagang Pejalai (PKP) ba hari ke-106 enggau hari ke-22 Atur Tagang Pejalai Penyuman (PKPP) kemari udah ngemendarka mayuh sektor ekonomi nyengkaum sektor dagang temuai dibuka baru.-BERNAMA