ARTIKEL

KENANG… Razi Sitam sereta temuai bukai begambar ungkup kenang enggau bala penyereta ba Pengawa Graduasyen Kelas PLF enggau LEADS Renggat KEMAS Bagi Menua Betong 2023 ba Balai Penyerakup, kemari. – GAMBAR OSMAN RAZALI

Kelas literasi patut ngena IT

Facebook
Twitter
LinkedIn
WhatsApp
Telegram

DEBAK: Kelas Pelajar Literasi Fungsian (PLF) enggau Pelajar Literasi Ungkup Pengelandik Orang Besai Tuai (LEADS) ti udah lama dipejalai Opis Pemansang Komuniti (KEMAS) ari suba ulih dikemanahka agi enggau ngena elemen teknologi pemadah (IT).

Ku Sapit Menteri Pemansang Indu, Nembiak Mit enggau Pengelantang Komuniti, Mohammad Razi Sitam, taja pen diatu sida bisi kelas (kus pandak) ti khas dikena nentuka komuniti landik IT, pekara nya enda patut nyekat pengawa ngemanahka agi kelas PLF enggau LEADS.

Ku iya, enti KEMAS ulih ngereja pengawa nya mega ulih nambah penemu ti diulih bala penyereta.

“Sida ukai semina deka nguasa 3M iya nya macha, nulis enggau ngira, tang mega pemun IT chunto iya chara ngena telefon pintar enggau ke bukai.

“Ba aku, nadai penanggul enti sema 3M ditambah enggau elemen IT, aku ngasaika nya pekara ti manah.

“Berebak enggau nya, bala pengajar mega ulih ngena chara ngajar ti moden agi. Nya ti pemadu manah,” ku iya.

Baca lain  TEGAS marit nembiak rindu belajar TVET

ADUN Saribas mansutka jaku nya ngagai pemberita pengudah Pengawa Graduasyen Kelas PLF enggau LEADS Renggat KEMAS Bagi Menua Betong 2023 ba Balai Penyerakup enda jauh ari ditu, kemari.

Ku iya, udah datai maya program nya ti belabuh diatur lebih enam puluh taun suba diubah.

“Aku andal sida begunaka penemu pemun ba pekara IT kelebih agi diatu semua pekara ngena teknologi digital,” ku iya.

Ku iya agi, KEMAS mega bisi program bukai ti khas ungkup IT ba Palan Pengawa KEMAS (PKK) ti disikap enggau fasiliti komputer.

“Tau diseretai sapa-sapa aja. Nyadi, ulih datai ke PKK ngambi nitih kus pandak ti diatur sida,” ku iya.

Ku Razi agi, mayuh pemaik diulih enti IT ulih dikuasa enggau manah, kelebih agi dunya sehari tu endang nuju pengawa ngena teknologi moden.

Pengawa nya ngerami 76 penyereta PLF enggau LEADS ti mujur nembuka pelajar sida.

Razi andalka kelas PLF enggau LEADS ulih ditampung ngambi juluk perintah ti deka meda nadai rayat buta urup ulih dijapai.

Baca lain  Basa Abang Jo ngagai raban Kristian

“Bala tuai komuniti enggau tuai raban bansa (KMKK) ulih mantu meri peransang.

“Lalu komuniti nya empu, anang malu. Ari siti pansik, orang besai tuai jampat agi belajar laban ngembuan disiplin.

“Enti kitai ulih nguasa 3M enggau manah, kitai enda deka tinggal ari arus pemansang.

“Ungkup KEMAS, aku ngarapka kaul seruran manah ngambi mayuh agi program komuniti ulih diatur dikena ngemansang pengulih peranak ba menua pesisir,” tambah iya.

Diatu, ku iya, pelajar tumu nembiak mit diberi perati nyentuk ke bisi bemacham institusyen, ukai semina KEMAS aja, tang mega prasekula enggau SeDidik ti dipenggi Perintah Sarawak.

Pegawai KEMAS Bagi Menua Betong, Jeffry Lana, Pegawai Nguasa Opis Pelilih Mit Debak, Muhammad Hafiz Kepli enggau Temenggong Bagi Menua Betong, Pi’ee Alwi bisi mega ngulu pengawa nya.

BERITA LAIN

Tim Segak FC nyulut

KUCHING: Tim Segak FC mujur ngempu gelar champion ba Pekit Main Bol Empat Penjuru Trofi Segak FC 2024. Tim ti mayuh dipilih nya mujur ngalahka

Kelas ngajat deka diatur enda lama agi

SAMARAHAN: Serakup Dayak Bukit Kelingkang (DBK) Pampang Melikin begulai enggau Kebudayaan Dayak Bumi Kenyalang (KDBK) deka ngatur Kelas Ngajat Renggat Ke-14 ba Samarahan enggau Serian.

BERITA TERBARU