ARTIKEL

KENANG… Mabong (tujuh kanan) begambar enggau bala ti udah tembu kelas ngaga marik empang.

Kelas main asal ASADIA belabuh 11 March tu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Kelas Main Asal Akademi Serakup Dayak Iban Sarawak (ASADIA) deka belabuh 11 March 2024 tu.

Tuai ASADIA Mabong Unggang madahka kelas tu ungkup tusun keterubah bagi taun 2024.

“Main Asal Kitai, Tanggung Pengawa Kitai nya rambai jaku ti dikena ASADIA ngambika main asal bansa kitai tu terus dijaga.

“Tabi basa nuju semua, ASADIA deka belabuh ngatur kelas main asal berengkah 11 March 2024 kena Hari Satu,” ku iya bejaku ngagai Suara Sarawak dalam siti penerang media tadi.

Ku Mabong madah baru, pengawa nya deka diatur ba Palan Main Asal ASADIA enggau opis SADIA di Kuching.

“Ungkup nembiak baru, bayar rejister RM15, ke alai semua nembiak baru enggau lama ti nitihka kelas deka dipinta mayar RM60 ungkup siti kelas.

“Taga kelas diatur berurun ngambika enda bebalut lalu genap kelas tu diatur kena malam hari berengkah pukul 7 tauka 7.30 malam,” ku iya.

Iya madah, sekeda kelas main asal ti bisi diajar tu baka ajat indu Iban, tabuh Bidayuh Bau (Biruguong), pantun Iban, ramban enggau dungai, tabuh Saratok enggau Batang Rajang, gendang pampat enggau kuntau lelaki.

“Kami mega bisi ngadu kelas ajat lelaki Iban, belikan (Iban), sape (Orang Ulu), ajat Bidayuh Bau ungkup orang indu enggau lelaki (Sigal Bau) enggau kuntau indu.

“Kelimpah kelas main asal, ASADIA mega bisi muka kelas pengelandik jari baka bungai jarau, tangu tauka marik empang, basong taah (Orang Ulu), kain Buri, baju Kuas, sugu tinggi enggau baju Gagong,” ku iya.

Iya madah, penerang silik tau betelefon ngagai iya empu ba lumur 0106925562, Henry Gunya (0198884370) tauka Victoria Jimy (0122161485).

“Mensia mayuh mega tau ngulihka penerang nengah chara ngelawa reruai Facebook Akademi SADIA ba media rama,” ku iya.

BERITA LAIN

Sarawak dulu sesingkang mantu rayat

BAU: Perintah Sarawak dipuji laban ngena chara go the extra mile tauka dulu sesingkang ba pengawa meri bantu ngagai rayat di menua tu. Sapit Menteri

Isut mubuk menua Kabo Ulu

ISUT nitih ke jerita, nyadi tuai orang ti muai unak, muai lemetak, muai batang, muai agang di sitak menua Kabo Ulu. Iya tuai orang berimbau,

BERITA TERBARU

Hari Wesak disambut meriah seluruh negara

KUALA LUMPUR: Hari Wesak disambut meriah di seluruh negara dengan ribuan penganut Buddha memenuhi tokong di negeri masing-masing sejak awal pagi ini. Di Kuala Lumpur,