ARTIKEL

SAMA ANGKUN… Mabong (enam kanan) begambar enggau bala nembiak ti belajar ngajat ari Rumah Guang Latip di Kampung Raeh Baru, Serian.

Kelas ngajat ba Rumah Guang Latip lanchar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

INDUN SILONG
suarasarawak.sv@gmail.com

AKADEMI Serakup Dayak Iban Sarawak (ASADIA) muka kelas ngajat ungkup nembiak indu enggau lelaki ba Rumah Guang Latip di kandang menua Kampung Raeh Baru di Serian.

Tuai ASADIA, Mabong Unggang madah, serakup nya diatu majak ngerembai ngagai menua pesisir dikena neguh ke bala nembiak ngagai pengawa main asal Iban.

“Bisi 22 nembiak indu enggau 10 nembiak lelaki masuk kelas sehari kena 30 March 2024 ti diuluka pengajar Elsie Joanes, Caroline Dewort enggau Henry Gunya.

“Semua sida ke belajar main asal tu nembiak nyengkaum nembiak mit,” ku iya bejaku ba sebengkah penerang, kemari.

Ku Mabong, iya andalka pengelandik ngajat enggau main asal tu terus dijaga bala nembiak nyentuk jemah ila.

“Gaga amat ati meda sida ti biak- biak agi ngembuan pengerindu ke main asal diri empu.

“Taja pia pengerindu sida iya semina ulih tebantai enti bisi orang ngulu, ngatur enggau ngemujur ke kelas main asal, ukai semina ngajat tang main asal ke bukai baka ngaga ngepan asal enggau pesaka asal.

“Kelas ngajat nya diatur nengah kerejasama nembiak, Tuai Rumah Guang serumah enggau ASADIA,” ku iya.

Nangkan nya, iya andal ke mayuh agi bala Tuai Rumah ngembuan penyinu ati ngagai main asal kitai sereta ransing ati deka ngerembai ke main asal ngagai sida ke biak.

“Munyi ku jaku Tuai rumah Guang, enti kitai ke besai tuai tu enda ngatur pengawa ngetan ke main asal kitai, sida ke biak sigi enda nemu ngatur diri empu.

“Lalu nya ngujung ke main asal kitai deka lelang, deka midang laban nadai orang ngulu ke nembiak rebak baru nyerungkai penemu sereta belajarka pengelandik main asal.

“Pengawa ke diatur Tuai Rumah Guang nya chukup manah sereta di kearapka ulih ngangkatka main asal kitai bansa,” ku iya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU