ARTIKEL

SIRU… Lau (tujuh kiba) nyuaka bantu mata duit ngagai raban tasah angus ba Kampung Bahagia Jaya Teku ditu, kemari.

Kemerat pengawa meresa pengelikun tali karan dikena nyeliah penusah angus

Facebook
Twitter
LinkedIn
WhatsApp
Telegram

SIBU: Pengawa meresa tali karan ba rumah beguna amat dikena nyeliah penusah angus ti nyadi ari penanggul kuasa karan.

Presiden Gerempung Tuai Komuniti enggau Tuai Raban Bansa (KMKK) China Bagi Menua Sibu, Temenggong Datuk Vincent Lau Lee Ming madah, beguna amat peranak dia meresa tali karan ba rumah sida empu.

Iya madah, pengawa meresa nya endang patut dipejalai enti sida udah nguan rumah nya urung 15 nyentuk 20 taun pengelama.

“Aku bisi dipadah sekeda penusah angus nyadi berebak ari penanggul tali karan.

“Aku pechaya peranak ti udah lama ngentapka diri ba Kampung Bahagia Jaya Teku ditu patut ngemerat pengawa meresa tali karan ba rumah sida.

“Beguna amat kitai semampai bejimat laban penanggul tali karan ulih ngasuh penusah angus nyadi,” ku iya.

Lau mansutka jaku nya rambau dirandau pemberita pengudah program nyuaka bantu mata duit ari gerempung nya ngagai raban tasah angus ba Kampung Bahgia Jaya Teku ditu, kemari.

Iya mega ngelalau raban bekuasa mutar pengirau ati peranak dia nengah pengawa ngemanahka tikas pengidup sida kelimpah nyendia tanah dikena berumah.

Baca lain  Pemanah leka lagu, sada nyawa Menoah Hudson dipuji peminat

“Sitak Kampung Bahagia Jaya Teku tu sebuah palan pengentap baru sereta suah napi penusah bah urung dua nyentuk tiga kali setaun.

“Nya alai, aku ngarap raban bekuasa ngiga chara dikena mutar isu ti ditapi peranak ditu,” ku iya.

Ngelansa senentang bantu mata duit nya, Lau madah, bantu nya endang datai gerempung sida dikena mantu raban tasah angus dia meli barang ti diguna sida.

“Aku meransang gerempung bukai bela meri bantu dikena ngelempung tating belanja raban tasah nya,” ku iya.

Bisi 31 iku lenyau palan ngenduh pengudah empat buah rumah ba Lorong Bahagia Selatan 4 ditu dituntung penusah angus Hari Lima tu tadi.

Taja pia, nadai orang diripot bakal ba tubuh tauka bebadi nyawa ba penusah nya.

BERITA LAIN

Maul Lang puh nyapai juluk nyadi pemerindang

SYLVESTER RIANGsuarasarawak.news@gmail.com GENAP iku kitai bela ngembuan minat enggau juluk kediri empu ba sesebengkah pengawa tang ukai reti semua juluk nya ulih dikeamat baka ti

Sarawak nyadi pengeluar besai lada ba Malaysia

MINDY VELARIE CASILYSuarasarawak.news@gmail.com SERIAN: Sarawak dirikod ngeluarka 31,994 tan metrik lada ba taun 2023. Sapit Menteri Industri Pemakai, Komoditi, enggau Pemansang Wilayah (M-FICORD), Datuk Martin

Simunjan deka disikap ngena palan komersial

SIMUNJAN: Projek pemansang komersial ba sitak Simunjan bisi pengulih nyungkak ekonomi peranak lokal kelebih agi bala pedagang mit. Projek nya mungkur pengawa ngaga medan selera,

RM10,000 nganti Kumang Gawai Betong 2024

BETONG: Pekit Kumang Bagi Menua Betong 2024 nesau bala indu dara bansa Dayak selampur menua Malaysia ke beumur 18 taun enggau tuai agi ngerebut perais

BERITA TERBARU

Dua bot ditahan langgar syarat sah lesen

TANJUNG MANIS: Agensi Penguatkuasaan Maritim Malaysia (Maritim Malaysia) Zon Maritim Tanjung Manis menahan dua bot tempatan selepas disyaki melanggar syarat sah lesen dalam satu operasi,