ARTIKEL

Kena geran ke pemaik begulai

Facebook
Twitter
LinkedIn
WhatsApp
Telegram

BINTULU: Bisi 69 penerima ba Kunsil Nengeri (DUN) Kakus nerima agih belanja RM978,000 nengah agih belanja Projek Mit Pemansang Menua Pesisir (MRP).

Penerima nya mungkur Komiti Pemansang enggau Pengelikun Genturung Pendiau (JKKK) sereta gerempung ukai dikuasa perintah (NGO) ba sitak nya.

Pengawa nyuaka chek agih belanja nya dipenyadi Menteri ba Opis Premier Sarawak ti mega ADUN Kakus, Datuk Seri John Sikie Tayai ba sebengkah program ba Opis Pelilih Tatau ditu, kemari.

Iya ngelalau bala penerima ngena agih belanja nya enggau manah sereta lurus ati ke pemaik begulai lalu ukai ke pemaik diri empu.

“Agih belanja ti udah dikemendar Perintah Sarawak nya patut dikena enggau manah ke pemaik komuniti lokal kelebih agi dikena mantu JKKK bejalaika projek pemansang baka nyeleti enggau bejalaika aktiviti ba rumah panjai sida,” ku iya.

Iya nyemetak madah, agih belanja MRP ti udah diterima enda tau dikena bejalaika pengawa bukai tang dikena bejalaika aktiviti sebaka enggau batang tuju kita minta agih belanja nya.

Sikie madahka diri deka bejalaika atur ti terit ngagai bala penerima ti ngena agih belanja nya enggau chara ti salah.

Pia mega, iya ngelalau JKKK madah ngagai komuniti ba sitak sida empu senentang penyampau agih belanja diterima sida lalu ukai dikena ngulihka pemaik diri empu.

“Kitai deka genap peranak rumah panjai nemu berapa penyampau agih belanja diterima sida lalu kitai deka sida tebuka enggau lurus ati ba pekara tu,” ku iya.

Sikie madah, sebengkah agi program nyuaka chek deka diatur ungkup penerima ba sitak Pelilih Selangau (Bawang enggau Arip) sereta Mukah ti beungkus RM500,000.

Program bukai bela diatur baka pengawa nyuaka chek agih belanja Unit Pekara Jalai Pengarap Bukai (UNIFOR) ngagai Gerija BEM Lubok Kubong, Kakus sereta insentif ngagai lima nembiak ti nampung pelajar sida ngagai tikas Degree.

LAIN-LAIN BERITA

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

BERITA TERBARU

Suasana hiba di kediaman Tun Taib

KUCHING: Suasana hiba dan sayu menyelubungi persekitaran kediaman Allahyarham Tun Pehin Sri Abdul Taib Mahmud, petang ini. Keadaan cuaca mendung turut seakan-akan turut berduka dengan