Kena pengelebih teknologi mutar penanggul suntuk pengereja

KUCHING: Pemain industri bekebun dandang besai enggau komoditi dipinta enda kelalu bepanggai ngagai pengereja menua luar dikena mutarka penanggul suntuk pengereja pengawa.

Sapit Menteri Bekebun Dandang Besai enggau Komoditi Malaysia Datuk Willie Mogin madahka sida patut ngena pengelebih teknologi Industri Revolusyen (IR 4.0) ngambi ulih besemekih.

“Pemain industri patut ngena pengelebih IR 4.0 baka ngena kereban ti ulih diubah nyadi mesin.

“Enti ulih kitai anang kelalu bepanggai ba pekereja menua luar taja berasai amat pengawa ditapi ketegal sida nadai gawa ditu.

“Nya kebuah kitai enda ulih nejuka pekara tu lalu ngiga chara pemadu manah mutarka iya,” ku iya.

Willie bejaku munyi lebuh ditanya pemberita pengudah Meresa Atur Pengawa Standard (SOP) ba East Asia Palm Product (EAPP) Sdn Bhd di Jalai Bako ditu, tadi.