Kenang manis dirami begulai

MIRI: Berambaika jaku Red Carpet, sekali agi Kolej IBS Miri nempa kenang manis ngagai bala nembiak ti deka graduet enggau bala graduet lebuh dirami begulai.

Hari ujan enda nekul pengagit raban Kolej IBS enggau bala temuai dipebasa bukai datai berami ba Pengerami Makai Lemai Ninting Taun ke diatur ba sebengkah palan tebilang ditu, apin lama ke udah.

Pengerami richah enggau pemerindang ari bala nembiak Kolej IBS empu sereta sida ti betanda ari SMK Dato Permaisuri bela deka ngasuh ati lelenggau dudi hari.

Ngerichahka pengerami lemai nya, pekit pemajik gamal dikumbai Ratu enggau Jejaka Kolej IBS Miri diatur ke alai Irish Steven dipadu nyadi Ratu seraya Benetton Yip menggi gelar Jejaka Kolej IBS.

Pemenang chabut tikit benasit mega betuah endar malam nya pulai mai perais ti manah.

Ungkup penerang, Kolej IBS Miri diatu benung ngambi nembiak belajar kelebih agi ngagai sida ke baru lepas SPM, diploma, enggau degree ti deka berengkah belajar Januari 2020.

Penerang silik tau betanya ngagai lumur 085-438666 maya jam opis gawa tauka nengah Whatsapp nuju Ricky (012-8991207), Alvester (0113-1965281), Jack Sie (016-2592466), Kenji Ching (013-8652138), Karen (014-5974403), Mau (0111-9846780) sereta tau anjung ngagai email info@ibs.edu.my.

Suara Sarawak