Kenuku dulu pengamat berita

KUCHING: Mensia mayuh dilalau enda nabur berita bula pasal koronavirus sebelah media rama.

Sapit Kepala Polis Sarawak Datuk Dev Kumar MM Shree madahka piak polis deka bejalaika atur terit ngagai sida ke naburka berita bula pasal penyakit tu.

“Kami bisi nerima ripot ari piak pengatur Palan Berubat Timberland madahka bisi orang ke kena rampit koronavirus dipasuk ngagai palan berubat nya.

“Berindik ari pekara nya, piak Pengatur Palan Berubat Timberland ngaga ripot polis lalu kami benung mansik pekara tu,” ku iya.

Dev madah munyi nya ba aum pemberita pengudah Aum Besai JPBN di Wisma Bapa Malaysia ditu tadi.

Suara Sarawak