‘Kenyalang Gold Card’ bepun disua ngagai penerima di Padawan

PADAWAN: Lebih 400 iku orang tuai ditu bepun nerima Kenyalang Gold Card (KGC) ke bepun disua pagila (3 Ogos 2020).

Adun Batu Kitang, Lo Khere Chiang madahka orang ti ngempu kad nya deka dikangau datai ke opis sida dulu laban nitihka atur pengawa standard (SOP) dalam nagang pengerekai igi penyakit Covid-19.

“Opis tu (Parti Sa’ati Rayat Sarawak (SUPP) Pampang Batu 10) deka ngangau ke penerima KGC dulu ngambi kad sida laban kami enggai kelalu mayuh orang datai kitu serentak.

“Pengawa tu digaga dikena nyaga takah lebuh pengerekai igi penyakit Covid-19 ti nyadi maya tu,” ku iya.

Iya bejaku munyi nya lebuh bejadika pengawa Kelai Nyuaka KGC di Opis SUPP Pampanv Batu 10 pagi tadi. .

Suara Sarawak