Kepala Menteri Sarawak nerima tuchuk kedua vaksin Covid-19

KUCHING: Kepala Menteri Datuk Patinggi Abang Johari Tun Openg udah nerima tuchuk kedua vaksin Covid-19 di baruh Program Betuchuk Vaksin Covid-19 Renggat Nengeri Sarawak di Stadium Perpaduan, Petra Jaya urung pukul 3 lemai tadi.

Pengawa betuchuk vaksin kedua bansa Pfizer-BioNtech tu diberi pengudah genap timpuh 21 hari nangkan dos keterubah kena 26 Februari tu tadi.

Tu dikena nentuka Abang Johari ulih nyaga diri ari kena rampit igi penyakit Covid-19 pengudah nerima dua dos vaksin bansa Pfizer- BioNtech.

Bela nerima dos kedua kemari iya nya Sapit Kepala Menteri Datuk Amar Awang Tengah Ali Hasan, Menteri Kaunsil Kandang Menua enggau Pengawa Berumah, Dato Sri Dr. Sim Kui Hian enggau Direktor Opis Pengerai Nengeri Sarawak Dr. Chin Zin Hing.

Suara Sarawak