Kerejasama muka peluang ba pengelandik kulinari

KUCHING: Kuching Skill College (KSC) ngenegapka agi kaul sida enggau gempung hospitaliti dunya nengah pengawa nyain sempekat pemereti ati (MoU) enggau Hotel YTL, Kuala Lumpur.

Ketuai Pemesai Eksekutif KSC, Novert Sullang, madahka piak KSC andal amat kaul ti ditempa enggau hotel tu deka nyerungkai mayuh agi peluang ungkup pemansang pengelandik kulinari ke bisi disedia palan pelajar sida.

Kebuah pia ku Novert, piak YTL tu ngembuan lebih ari 30 buah hotel enggau resorts sereta nerima bemacham anugerah enggau tanda basa ari lebih 10 bengkah menua nyengkaum Malaysia, Indonesia, Thailand, Jipun, Australia, Perancis, Sepanyol, Belanda enggau United Kingdom.

“Kami bisi endar pengandal kaul kerejasama ditanggam nengah MoU ti disain sehari tu deka mai singkang jauh agi ba pengawa nyendiaka latih kulinari.

“Kitai mega ngarapka semua randau enggau perambu ti udah disempekat deka ‘tumbuh galak’ lalu ‘mansutka asil manah’ sereta kededua piak bela teulihka penguntung ari kaul kerejasama tu,” ku iya lebuh dirandau Suara Sarawak.

Pengawa nyain MoU entara piak Hotel YTL diarika Menijar Pengereja Pengawa Gerup Hotel, Adrian Ooi enggau Novert ti ngarika KSC mujur diatur ba JW Marriot, Kuala Lumpur ensanus seraya dikemata Pemesai Senior KSC, Jespa Langki.

Berita penuh ba Ruai 7 pagila.

FOKUS… Adrian Ooi ngemata Novert nyain sempekat ti udah disetuju kededua piak

NEMPA KAUL… (Ari kiba) Adrian Ooi nerima tepa ari Novert Sullang seraya dikemata Jespa Langki.