ARTIKEL

Kerejasama negap sistem pengangkut pintar majak ditanggam rat

Facebook
Twitter
LinkedIn
WhatsApp
Telegram

KUCHING: Kerejasama ngemansang projek Sistem Pengangkut Mengeri Kuching (KUTS) ditegapka agi nengah pengawa nyain Setipikit Nitihka Atur (COC) entara Sarawak Metro Sdn Bhd (Sarawak Metro) enggau EMG JV Sdn Bhd, empai lama.

Tu mega nandaka inisiatif kededua raban nya ngemujur juluk Sarawak ngubah perengka pengangkut mensia mayuh nyadi moden ba mengeri tu.

Kelimpah mutar ubah klimet, tu mega nyadi penyungkak ngemansang inisiatif Sarawak ngambi nyadi menua maju datai ba taun 2030.

Tuai Pegawai Eksekutif Teknologi, Mazli Mustafa nyain kunterik ngarika Sarawak Metro seraya EMG JV udah diarika siku Direktor iya, Chan Chee Kian.

Pengawa tu tampung ari pengawa meri kunterik kena bulan Julai taun nyin tadi enggau nyain bon bejalaika pekara nya kena 20 Julai 2023.

Berebak enggau nya, EMG JV begulai enggau EPR (Kuching) Sdn Bhd, Mobilus Sdn Bhd sereta Global Rail Sdn Bhd nya kunteriktor besai ungkup Pakej Sistem 1 projek KUTS.

Kunterik nya mungkur pengawa nyendiaka bekal ‘rolling stock’ iya nya Transit Aliran Autonomi (ART) bekuasa hidrogen, kereban depot, sistem isyarat sereta platform pintu automatik ti udah diberi bulan Julai taun nyin tadi.

Naka diatu, raban EMG JV benung nyeraris latih injiniring enggau renggat kedua nya latih ngenuku konsep (POC) ungkup unit prototaip ART ti berengkah kena 4 September 2023.

Latih injiniring nya deka diatur pengelama dua bulan, deka abis bulan tu enggau arung ti dikena nya sepanjai jalai Keruing ngelebus Menara Kaunsil Pemansang enggau Pengintu Tanah (LCDA), Menara Kaunsil Pemansang Ekonomi Sarawak (SEDC), Menara Sarawak Energy enggau Palan Aum Borneo Kuching (BCCK).

Tuju latih tu diatur ngambi ngaluska spesifikasyen unit ART, ngelala sebarang isu ti nyadi sebedau neruska latih POC, beratika pemanah ART nengah unit prototaip.

Ungkup latih POC nya deka diatur ba bulan November dikena ngumpul belanja enggau beratika pemujur prototaip ungkup langkar tengkebang kepenudi ART.

Nya deka dipejalai ba arung sepanjai tiga kilometer ti digaga entara dua keliling jalai ba Kota Samaraha, sepanjai jalai besai Kuching-Samarahan seraya deka ngaga siti arung khas ungkup rentayan arung biru projek KUTS.

Ke rikod, Sarawak Metro nya anak serikat diempu SEDC penuh ti diberi tanggungpengawa ngemansang, matau enggau ngemanah projek KUTS.

Projek KUTS deka dikemansang berenggat lalu ba renggat satu nya ungkup pemansang tiga arung baka Biru, Mirah enggau Gadung.

Renggat tu diperambu bepun berenggat berengkah ari suku keempat 2025.

Ungkup arung biru nya mungkur penyauh 27.5 kilometer (KM) ari Rembus di Kota Samarahan ngagai Pasar Kuching, arung mirah (12.3 KM) ari Kuching Sentral ke Pending lalu arung gadung (30 KM) ari Pending ke Damai Central.

Entukar ART mega deka beoperasyen ba arung khas lalu nadai bekunsi enggau penguna jalai alun bukai.

Operasyen ART mega disukung rentayan bas antara ngena entukar bekuasa hidrogen ungkup bala penumpang.

LAIN-LAIN BERITA

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Berita yang menyedihkan – Datuk Sim Kiang Chiok

KUCHING : Pengerusi Persatuan Pemaju Perumahan dan Hartanah Sarawak (SHEDA) Cawangan Kuching Datuk Sim Kiang Chiok, menyifatkan pemergian bekas Yang di-Pertua Negeri Tun Abdul Taib

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur