Kes baru positif pemadu tinggi dirikod

KUCHING: Sarawak ngerikod 353 kes baru positif Covid-19 lalu nya kes baru positif pemadu tinggi kala dirikodka.

Sekretariat Komiti Penyangga Penusah Nengeri (JPBN) Sarawak madahka 181 kes di Sibu, 67 kes di Meradong, 31 kes di Kuching, 22 kes di Bintulu enggau 18 kes di Kapit.

Pia mega, bela lapan kes di Miri enggau Subis, enam kes di Betong, bela tiga kes di Bau enggau Dalat, dua kes di Samarahan sereta bela siti kes di Kanowit, Saratok, Julau enggau Serian ngujungka kes nambah ngagai 8,650 kes.

Pelilih Meradong, Kuching, samarahan, Julau, Subis, kapit, Bintulu, Miri enggau Sibu mengkang ba status mirah pengudah ngerikod 2,319 kes berampit dalam menua ba semilan pelilih nya ba timpuh 14 hari ke udah.

Bisi 139 kes baru udah suman enggau dikemendar pansut ari sepital ke alai 78 kes ari Sepital Sibu, 21 kes ari Sepital Miri, 18 kes ari Sepital Besai Sarawak (SGH) enggau 15 kes ari PKRC di baruh Sepital Kapit.

Nambahka nya, lima kes ari Sepital Bintulu enggau dua kes ari PKRC di baruh Sepital Sarikei ngujungka kes suman nambah ngagai 6,238 iku.

Kelimpah ari nya, 2,306 iku agi diperubat ba wad isolasyen ke alai 1,149 kes di Sepital Sibu, 332 kes di SGH, 240 kes di Sepital Bintulu, 234 kes di Sepital Miri, 173 kes di Sepital Kapit (PKRC Kapit), 152 kes di Sepital Sarikei enggau 26 kes di Sepital Sri Aman (PKRC Sri Aman).

Bisi 375 PUI baru dirikodka enggau 23 PUI agi nganti pemutus peresa makmal enggau naka diatu, 25 kluster agi ngerekai di Sarawak.

Suara Sarawak