ARTIKEL

Kes malaria ulih dipekuh

Facebook
Twitter
LinkedIn
WhatsApp
Telegram

BAU: Pengerekai kes tabin malaria ba Sarawak agi ulih dipekuh, ku Sapit Menteri Pengerai Malaysia (KKM) Lukanisman Awang Sauni.

Kaban Parlimen Sibuti nya madah, iya baru bulih gerah bekaul kes tabin malaria nya rambau nemuai ngagai Sepital Bau, kemari.

“Aku baru bulih gerah bekaul kes tabin malaria tu tadi (kemari) tang sida madah kes tu ba ditu agi ulih dipekuh.

“Opis Pengerai Bagi Menua Miri udah ngatur pengawa ti patut lalu aku agi nganti timbal ari sida,” ku iya.

Lukanisman mansutka jaku nya lebuh dirandau pemberita pengudah bejadika Program Skim Siruka Pengerai Ungkup Raban B40 (PeKa B40) Renggat Pelilih Menua Bau Taun 2023 ba Balai Suarah Bau, ditu kemari.

Ku iya, mensia mayuh enda patut irau ati laban naka diatu sida agi nganti ripot bekaul kes nya.

“Opis pengerai bagi menua benung bejalaika atur ti patut dikena mutarka kes tu ditu.

“Kami mega nganti ripot lalu meda gaya penyadi kes ba Long Lellang ti ngatur mayuh aktiviti ngujungka malaria tu majak ngerekai.

“Diatu aku bedau bisi statistik ti nyemetak pasal penyampau kes ti udah diripotka laban baru nemu lemai tu tadi (lemai kemari),” ku iya.

Empai lama, dalam sebuah berita menua, siku lutur senior ngelalau mensia mayuh ngambi bejaga enggau pengerekai kes tabin malaria ti nyadi ba Ulu Baram.

Iya mega ngelalau perintah ngambi ngatur pengawa ti patut nagang pengerekai abis nadai dua kes tabin malaria ti diripotka laban ulih ngeruga pengawa dagang temuai menua.

LAIN-LAIN BERITA

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

Mutang aruh iya dichiri mangku pengawa

LIMBANG: Pengawa nyiri ex-Kaban Parlimen Bukit Mas, Datuk Mutang Tagal nyadi Yang Dipertua Dewan Negara ke-20 endang meri besai pengandal. Sapit Premier Sarawak, Datuk Amar

Basa besai ngagai komuniti Dayak

KUCHING: Pengawa nyiri Datuk Mutang Tagal nyadi Yang Dipertua Dewan Negara Ke-20 nurai sejarah ngagai raban bansa Dayak kelebih agi Orang Ulu. Sapit Menteri ba

BERITA TERBARU

Jom lihat flora, fauna waktu malam

KUCHING: Orang ramai berpeluang untuk melakukan aktiviti Urban Forest Night Walk di Sama Jaya Nature Reserve, pada waktu malam bermula jam 7 hingga 10 malam.

Johor belajar daripada Sarawak

KUCHING: Lawatan kerja ke Sarawak semalam adalah sebahagian daripada penanda aras projek Transit Aliran Autonomi (ART) yang akan dilaksanakan di negeri Johor. Menurut kenyataanya, Kerajaan

Premier sokong reka bentuk dalaman terkini ART

KUCHING: Premier Datuk Patinggi Tan Sri Abang Johari Tun Openg menyokong konsep dan reka bentuk dalaman terkini Transit Aliran Autonomi (ART). Sarawak Metro Sdn. Bhd.