LIMBANG: Penyampau sida ke agi biak ditu ditemu betubuh bisi bedau berlaki majak nambah chukup ngirauka ati.

Statistik ari Opis Pengerai Nengeri Sarawak taun nyin tadi nunjukka sepenyampau 24 kes lalu taun tu, ari Januari nyentuk ujung Ogos, 17 kes betubuh bisi dirikod.

Kaban Parlimen Limbang Hasbi Habibollah madah, penyampau kes tu disadang deka nambah bepelasarka kes ke udah dirikod naka diatu laban bisi empat bulan agi endur taun abis.

Ku iya, kes tu sebagi ari pekara enda manah ti patut diperati semua piak kelebih agi piak perintah.

“Pengawa dikena mutarka penanggul tu dipejalai nengah sekeda program sedarka pekara tu, advokasyen enggau nagang ari ejensi perintah ngaul kerejasama ejensi peribit.

“Tu mega ngayanka pengeran Perintah Sarawak mutarka kes raban nembiak kelalu biak betubuh bisi ari renggat baruh,” ku iya.

Hasbi mansutka jaku tu lebuh bejadika Progam Intervensyen Rama: Sedarka enggau Advokasyen Pelajar Seksual (KAPS) di Dewan Inspirasi Sekula Sekondari (SMK) Kubong, kemari.