Kes pemati ke-15 Covid-19

KUCHING: Sarawak ngerikod siti kes pemati ketegal Covid-19, kemari lalu ngujungka bisi 15 kes bebadi ketegal igi penyakit nya ba menua tu.

Sapit Kepala Menteri Datuk Amar Douglas Uggah Embas madahka kes ke-15 nya nyadi ba siku lelaki berumur 69 taun.

“Iya diripotka berengkah sakit kenaka 3 April lalu dipasuk ngagai Sepital Besai Sarawak (SGH) kena 6 April tu tadi.

“Pemutus sampel kes ditemu kenaka 7 April tu tadi madahka iya positif Covid-19. Kes tu ditemu bisi co-morbid lalu iya diripot nadai kena 21 April, pukul 2.28 pagi,” ku iya.

Uggah madah munyi nya ba aum pemberita di Wisma Bapa Malaysia ditu tadi.

Nangkan nya, iya madahka kes lelaki nya nadai kaul enggau kes positif Covid-19 ke udah ditemu naka ke diatu.

Kelimpah ari nya, Uggah madahka bisi 22 kes baru positif Covid-19 lalu ngujungka bisi 436 kes positif kenyau kes keterubah positif diripot kenaka 13 March 2020.

Suara Sarawak