Kes penanggul ulah kasar ba ruang bilik nurun

KUCHING: Bepelasarka Bacha Penyalah pemadu baru, penanggul Ulah Kasar Ba Ruang Bilik (KRT) di Sarawak nurun sekumbang timpuh Atur Tagang Pejalai (PKP) dipejalai.

Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah, madah, ari statistik, bulan Januari taunt u penanggul KRT ngerikod 106 kes, nurun ngagai 80 (Feburari) enggau 60 (March) seraya nadai kes dirikod ba bulan April naka diatu.

Ku iya, semua kes penyalah mega nurun bepelasarka Bacha Penyalah enggau bulan Januari ngerikod 970 kes, Febuari (812), March (417) sereta nyentuk 15 April semina 117 kes.

“Kebuah pia laban kes pemadu mayuh baka penanggul KRT tu bepun ari salah guna dadah, ulah kasar orang ke nyamah diri sebilik.

“Utai ke nyata nyadi diatu, empat ari 28 kes dirikod datai ari kaul laki bini, sebagi ari penanggul KRT nyadi entara apai indai enggau anak,” ku iya ba sebengkah penerang tadi.

Suara Sarawak