Kes positif rabies sepanjai 2019 nurun

KUCHING: Sepanjai taun 2019, penyampau kes ti positif rabies bisi nurun mandangka pemujur JPBN bejalaikan operasyen nagang pengerekai rebies.

Sapit Kepala Menteri ti mega Chairman Komiti Mutarka Penusah Ngenyit Nengeri (JPBN) Datuk Amar Douglas Uggah Embas madah
taja pia, operasyen di Kuching kitai bisi agi 163 kes, di Samarahan 17 kes enggau di Miri 13 kes.

“Enggau tu kami madahka nadai agi sitak baru ditemu bisi positif igi penyakit rabies lalu Limbang meruan nyadi sitak bebas rabies,” ku iya.

Operasyen Rabies (Ops Rabies) ti dipejalai ngelama tu udah nelan ungkus belanja RM22.9 billion, ku Uggah seraya madah operasyen tu dipejalai ari Lundu nyentukka Limbang .

“Ba taun tu, JPBN udah meri vaksin ngagai 33,940 iku ukui enggau 10,855 iku ukui lelang.

“Ukui di menua tu ti dipelaba bisi 250,000 iku, tang nyentukka diatu bisi 151,548 iku ukui udah diberi vaksin tauka 75 peratus ari penyampau nya.

“Pia mega, bisi 63 sitak di Sarawak udah dipadah bisi kena igi penyakit rabies nyengkaum 22 di Serian, Kuching (7), Simanggang (5), Sibu (2), Miri (6), Sarikei (5), Kapit (1), Bintulu (4), Samarahan (4), Mukah (4) enggau Betong (4),” ku iya.

Uggah bejaku munyi nya ba Pengerami Jaku Lalau Ops Rabies 2020 ti diatur ba Palan Aum Borneo Kuching (BCCK) ditu, kemari.