ARTIKEL

Kes rabies nambah lebih 87 peratusnaka 7 Ogos 2023

Facebook
Twitter
LinkedIn
WhatsApp
Telegram

KUCHING: Kes rabies nepan mensia ba Sarawak bisi nambah 87.50 peratus taun tu.

Direktor Pengerai Nengeri Sarawak Dr. Ooi Choo Huck madah, dalam timpuh 1 Januari nyentuk 7 Ogos diripotka 15 kes rabies ngaul mensia nyengkaum 13 kes pemati.

“Kes nyengala nambah dibanding semina lapan kes dalam timpuh sama ba taun 2022, nambah tujuh kes tauka 87.50 peratus.

“Seraya kumulatif kes rabies nyadi ba mensia di Sarawak bisi 70 kes enggau 63 pemati kenyau ari igi penyakit nya dituku ngerekai bulan Julai 2017,” ku iya ba sebengkah penerang tadi.

Ngenang silik pekara nya ku iya, ari 15 kes ti diripot nyadi taun tu, lima kes nyadi ba Bagi Menua Sibu, Serian (4), Kuching (3), Bintulu (2) enggau Samarahan (1).

“Kelimpah ari nya, 11 kes diripot taun tu bisi sejarah diketup ukui, dua kes kala diketup tauka dikeramak mayau seraya dua da kes nada kebuah ke nyengala.

“Ari semua kes ti kala diketup ukui enggau dikeramak mayau nya, bisi lapan kes tauka 61.54 peratus nadai nganjung diri berubat ba sebarang fasiliti pengerai pengudah penusah nyadi,” terang iya.

BERITA LAIN

Kapit meruan ba ati

TUSUN KETERUBAH TAJA udah tu bejalai jauh beribu batu meri servis pengerai ngagai mensia mayuh ba selampur Sarawak tauka menua bukai, Kapit meruan lekat ba

BERITA TERBARU

Bina legasi baharu badminton negara

SKUAD badminton lelaki negara diingatkan agar tidak terbuai dengan nostalgia kegemilangan lampau pasukan kebangsaan, sebaliknya cuba untuk melakar sejarah baharu dengan merangkul Piala Thomas 2024

Premier Sarawak berada di Poland

POZNAN: Premier Sarawak Datuk Patinggi Tan Sri Johari Tun Openg bakal berucap sebagai ahli panel forum pada sesi ‘Debate Regions for the Planet’ di Poland