Kes Tipu: Dua lelaki digiga polis

KAPIT: Dua iku lelaki benung digiga raban polis di Kapit enggau mensia mayuh laban ditemu balat nipu orang bukai.

Dua iku laki tu tadi madah kediri deka nulung mensia mayuh ngisi pom minta Bantu Sara Idup (BSH) bagi orang ke enda bulih nengah kad mesin ATM orang ke ditipu.

Kes seduai iya mega udah kala diripot ba balai polis urung lima kali sepengudah seduai iya teulihka RM5,000 ari duit churi nengah kad mesin ATM nya tadi.

Nitihka gambar ari ba kamera dilindung (CCTV) ba sebuah bank di Kapit, dia siku ngena selapuk sereta becheremin mata lalu siku agi ngena selapuk aja.

Berindik ari kes tu tadi diak raban polis minta saup mensia mayuh nyidi dua iku laki tu lalu ngeripot ngagai balai polis ke semak alai endur diau enti bisi informasyen bekaul enggau dua iku lelaki tu tauka betelefon ngagai Inspektor Low Xi Hua ba lumur 0134561351.

DIGIGA POLIS…Gambar dua lelaki ke benung digiga polis bekaul enggau kes tipu di Kapit.